«ARMENOIDS» խմբի ղեկավար Էդգար Ռոստոմյանն էլ ասաց. «Ես հանգստանում եմ մեր ամառանոցում եւ մեկ-մեկ էլ գնում Վրաստան՝ տատիկիս գյուղ: Ընդհանրապես, շատ եմ սիրում կտրվել քաղաքից, գյուղն ինձ գրավում է իր հասարակությամբ: Ես չեմ սիրում VIP, «տուֆտա», ձեւական, իտալական հանգիստները, որտեղ մարդիկ հիմնականում գնում են ավելի շատ իրար որսալու, սեքս անելու եւ ոչ թե նյարդերն անջատելու համար»: Էդգարի ձեւակերպմամբ՝ կարեւորը ոչ թե հանգստանալու տեղն է, այլ քո պատկերացումը՝ հանգստանալու, ներդաշնակության հասնելու մասին:
