Հունական ռազմական ինքնաթիռները 3 անգամ կանխարգելիչ գործողություններ են իրականացրել թուրքական կործանիչների դեմ: Ինչպես փոխանցում է news.am-ը՝ Թուրքիայի զինված ուժերի գլխավոր շտաբի տարածած հայտարարության համաձայն՝ Էգեյան ծովի վրա ուսումնավարժական թռիչքներ իրականացնող թուրքական 16 կործանիչների դեմ 3 անգամ կանխարգելիչ գործողություններ են իրականացրել հունական ռազմական ինքնաթիռները: Սկզբում հունական Լիմնի ռազմաբազայից են օդ բարձրացել «F-16»-երը, այնուհետեւ՝ արդեն Սաքըզ կղզու հարավում թուրքական կործանիչների դեմ կանխարգելիչ գործողություններին միացել են նաեւ Հռոդոսի եւ Թանգրայի ռազմական հենակետերից օդ բարձրացած հունական «M-2000» ռազմական ինքնաթիռները:
