«Թուրքիան նույն բանը Հայաստանի վրա երեք անգամ է ծախում»,- tert.am-ի փոխանցմամբ՝ երեկ լրագրողների հետ հանդիպման ժամանակ հայտարարել է թուրքագետ Արտակ Շաքարյանը՝ խոսելով Վանի Սուրբ Խաչ եկեղեցու մասին: Ըստ նրա, Թուրքիան իր քաղաքականության մեջ զիջումները մաս-մաս անելու սովորություն ունի: Նրա կարծիքով, Թուրքիայի իշխանությունները եկեղեցու վրա կտեղադրեն խաչ եւ պատարագից հետո կհանեն, իսկ առավելագույնը՝ խաչը կտեղադրեն ու չեն հանի: Թուրքագետը հայտարարել է, որ սեպտեմբերը հայ-թուրքական հարաբերությունների առումով հարուստ օրակարգ կունենա, քանի որ Սուրբ Խաչ եկեղեցում պատարագի մատուցման արարողությունից զատ՝ նաեւ սպասվում են Հայաստանում ՆԱՏՕ-ի զորավարժությունները, որոնց պետք է մասնակցեն նաեւ թուրքեր, բացի այդ, հոկտեմբերին լրանում է հայ-թուրքական արձանագրությունների ստորագրման մեկ տարին:
