![\"\"](\"https://www.aravot.am/2010/aravot_arm/July/28/p15.jpg\")
Սերբիայի խորհրդարանը բանաձեւ է ընդունել, որում, մասնավորապես, ասված է, որ չնայած ՄԱԿ-ի միջազգային դատարանի որոշմանը, Բելգրադը երբեք չի ճանաչի Կոսովոյի անկախությունը: Երկրի խորհրդարանականները միաժամանակ կոչ են արել խնդիրը լուծել խաղաղ ճանապարհով: BBC-ի մատուցմամբ, հիշյալ բանաձեւին կողմ է քվեարկել Սերբիայի խորհրդարանի 250 պատգամավորներից 192-ը, 26-ը դեմ է եղել, երկուսը՝ ձեռնպահ: Հիշեցնենք, որ ՄԱԿ-ի Հաագայում գտնվող Արդարադատության միջազգային դատարանը հուլիսի 22-ին հրապարակել է Կոսովոյի Անկախության հռչակագրի վերաբերյալ վճիռը՝ այն ճանաչելով որպես օրինական:
Պետությունների միջեւ ծագած վեճերը կարգավորելու համար ստեղծված այս դատարանում հարցը քննվում էր Սերբիայի նախաձեռնությամբ, որը մինչ օրս շարունակում է դեմ արտահայտվել Պրիշտինայի անկախությանը։
