![\"\"](\"https://www.aravot.am/2010/aravot_arm/July/28/p14.jpg\")
Երեկ Կասկադ համալիրի վերին հարթակում՝ Հաղթանակի 50-ամյակի հուշարձանին հարող տարածքում, «Գուդրայք Ջոն» աստղասերների հ/կ-ն կազմակերպել էր սիրողական աստղադիտության երեկո: «Առավոտը» զրուցեց հ/կ-ի նախագահ Ռուբեն Բունիաթյանի հետ: Նա նկատեց. «Չնայած Հայաստանը միշտ եղել է պրոֆեսիոնալ աստղագիտության հզոր երկիր, սակայն մեզանում բավականին թույլ է զարգացած սիրողական աստղագիտությունը»:
«Առավոտի» այն դիտարկմանը, թե այս միտումի ակունքներն արդյոք չե՞ն գալիս դպրոցից, որտեղ թերի եւ հիմնականում տեսականորեն է դասավանդվում աստղագիտություն առարկան, պարոն Բունիաթյանը պատասխանեց. «Դպրոցներում միշտ էլ աստղագիտությանը քիչ ժամեր են հատկացվել, հետո կրթօջախները չունեն աստղադիտակներ: Իհարկե, անզեն աչքով աստղերին նայելը հետաքրքիր է, բայց աստղադիտակով նայելը երեխայի մոտ զարմանք է առաջացնում, իսկ ինչպես Արիստոտելն էր ասում՝ «Ամեն փիլիսոփայություն սկսում է զարմանքից»:
