Հուլիսի 24-ին, ժամը 03.15-ին, հիվանդանոցից ոստիկանության Արմավիրի բաժնում հաղորդում է ստացվել, որ մարմնի տարբեր մասերում ստացած բեկորային վնասվածքներով բուժօգնության է դիմել Արմավիր գյուղի համայնքի ղեկավար, 33-ամյա Ռաֆիկ Մ.-ն: Ըստ ոստիկանության, նույն օրը 70-ամյա Էդիկ Սադոյանը համագյուղացի, 1967թ. ծնված Գրիգոր Ա.-ի հետ վիճաբանության ժամանակ, վերջինիս սպանելու նպատակով, պայթեցրել է ձեռքի նռնակը, որի հետեւանքով վիճաբանությունը կանխել փորձող Ռաֆիկ Մ.-ն ստացել է նշված վնասվածքները, իսկ Էդիկ Սադոյանը կրծքավանդակի ձախ շրջանի եւ գլխի մասում ստացած բեկորային վնասվածքներից տեղում մահացել է: Նույն օրը Արմավիր գյուղից բեկորային վնասվածքներով բաժին բերման են ենթարկվել Գրիգոր Ա.-ն եւ նշված վիճաբանության մասնակից, 1957թ. ծնված Գրիգոր Խ.-ն: Նրանք տեղափոխվել են «Արմավիր» բժշկական կենտրոն: Կատարվում է նախաքննություն:
