![\"\"](\"https://www.aravot.am/2010/aravot_arm/July/23/p12.jpg\")
Վրաստանի մայրաքաղաքում անցկացված լողափնյա վոլեյբոլի Թբիլիսիի բաց առաջնությունում, որին մասնակցեց անդրկովկասյան երեք երկրների 18 թիմ, Հայաստանը ներկայացնում էին տղամարդկանց Հովհաննես Ասմարյան-Գրիգոր Համբարյան եւ Հովհաննես Մոսոյան-Ալեքսանդր Գրիգորյան զույգերը: Նրանցից առաջինը պայքարն ավարտել է 4-րդ, երկրորդը՝ 6-րդ տեղում:
Վերադառնալուց հետո Հայաստանի վոլեյբոլի ֆեդերացիայի գործադիր տնօրեն Կարեն Ասմարյանը «Sportinfo»-ին տեղեկացրել է, որ իրենք մեր տղաների ցուցադրած խաղով բավարարված են, սակայն դժգոհ են մրցավարությունից: «Եթե մրցավարներն ավելի անկողմնակալ լինեին, մեր զույգերը տեղ կգրավեին մրցանակակիրների շարքում»,- ասել է պարոն Ասմարյանը:
