Հայկական կայքերն ու գործակալությունները, հենվելով թուրքական աղբյուրների տարածած տեղեկությունների վրա, հաղորդում են, որ Թուրքիայի իրավապահ մարմինները ձերբակալել են հայկական գերեզմանատանը գանձեր որոնող թուրքերի: Օրինակ, ըստ «Ջիհան» գործակալության, 61-ամյա Ա. Ի.-ին եւ 36-ամյա Ա. Ի.-ին ձերբակալել են Սաքարիայի Սողութլու շրջանում՝ հայկական եւ հունական գերեզմանատանը փորելու պահին։ Առաջին դեպքը չէ, երբ գանձեր որոնողները Թուրքիայում պղծում են քրիստոնեական եւ մասնավորաբար հայկական գերեզմանները։ Գերեզմաններ պղծողների տեսել են նաեւ Մալաթիայի Քիլթեփե թաղամասում գտնվող հայկական գերեզմանոցում:
Որոշ գերեզմանատների տնօրեններ ահազանգել են, որ գերեզմանատնով մեկ թունելներ են փորված:
