![\"\"](\"https://www.aravot.am/2010/aravot_arm/July/22/p4.jpg\")
«Միջնորդ երկրներն ընդամենը միջնորդական առաքելություն պետք է իրականացնեն, նրանք միջնորդ են, հարց լուծող չեն: Իրենք խոսքը տանող-բերող են, պետք է միջնորդեն, որ հակամարտող կողմերը՝ հայկական կողմը եւ ադրբեջանական կողմը, որոշում կայացնեն»,- tert.am-ի փոխանցմամբ՝ երեկ մամուլի ասուլիսում մանրամասնել է «Մոդուս վիվենդի» կենտրոնի ղեկավար, պատմաբան Արա Պապյանը՝ նկատելով, որ վերջին ժամանակահատվածում եռանախագահող երկրները ակտիվ հայտարարություններ անելով եւ ցանկություն արտահայտելով՝ մի փոքր գերազանցում են իրենց լիազորությունները եւ մանդատը: Ըստ բանախոսի՝ քանի դեռ Հայաստանին կոնկրետ լուծումներ չեն առաջարկվել, մենք չպետք է գնանք զիջումների, քանի որ դա ոչ թե կմոտեցնի խաղաղությունը, այլ կմեծացնի պատերազմի հավանականությունը: «Ազատագրված տարածքների հանձնումը կբերի Հայաստանի տկարացմանը, եթե չասենք՝ կործանմանը»,- չհամաձայնելով ՀՀՇ համագումարում ՀՀ առաջին նախագահի արտահայտած տեսակետին՝ ասել է Պապյանը: Նա չի ժխտել, որ ԼՂՀ հիմնախնդրի չլուծված լինելը բացասական ազդեցություն ունի Հայաստանի համար. «Սակայն սա ավելի լավ վիճակ է, քան զիջումների գնալը: Զիջումների գնալով՝ պատերազմի վտանգն ավելի կմեծացնենք, քանի որ գայթակղությունների կտանենք Ադրբեջանին, մեր պաշտպանական դիրքերը կթուլանան»:
