Իջեւանում բնակվող Հայրենական մեծ պատերազմի վետերան, 85-ամյա Կոլյա Ամիրխանյանը բողոքեց, որ չնայած հեռուստատեսությամբ հայտարարում են խորհրդային խնայբանկում Հայրենական մեծ պատերազմի վետերանների ավանդների փոխհատուցման մասին, սակայն ավանդների փոխհատուցումը ձգձգվում է: Վետերանը կասկած հայտնեց, որ դա արվում է, որպեսզի խոր ծերություն ապրող վետերանները հեռանան կյանքից, եւ այդ փոխհատուցումն այդպես էլ չտրվի: Ինչո՞ւ է ձգձգվում պատերազմի վետերաններին ավանդների փոխհատուցումը: Այս հարցն ուղղեցի սոցիալական ծառայությունների Իջեւանի տարածքային գործակալության տնօրեն Գագիկ Մելքումյանին:
«Վետերանների մի մասի խնայբանկի գրքույկներում ավանդների չափերի մասին գրառումներն անընթեռնելի են, այդ հարցը ճշտվում է սոցապ նախարարությունում: Իջեւանի տարածաշրջանից շուրջ 60 վետերանների դեպքում նման խնդիր կա»,- ասաց պարոն Մելքումյանը:
