Հանրահայտ շվեյցարացի աստղաֆիզիկոս պրոֆեսոր Միշել Մայորին ու իր գիտական խմբի երկու անդամներին շնորհվել է Վիկտոր Համբարձումյանի անվան 2010թ. միջազգային մրցանակը, տեղեկացնում են ԳԱԱ-ից: Այդ մրցանակը սահմանվել է 2009թ. ՀՀ նախագահի կողմից եւ ներկայումս աստղագիտության, աստղաֆիզիկայի եւ հարակից գիտությունների բնագավառում կարեւորագույն մրցանակներից մեկն է: Հանձնվում է ցանկացած երկրի եւ ազգության ականավոր գիտնականների, որոնք նշանակալի ներդրում ունեն գիտության մեջ:
