«Բնական աղետների ու հորդառատ անձրեւների հետեւանքով վնասված ճանապարհահատվածների նորոգման համար լրացուցիչ հատկացումները հասցնում ենք 4,5 միլիարդ դրամի»,- կառավարության երեկվա նիստում նշեց ՀՀ վարչապետ Տիգրան Սարգսյանը: Կառավարության երեկվա որոշմամբ ավելի քան 2 միլիարդ դրամ է հատկացվել ՀՀ տրանսպորտի եւ կապի նախարարությանը՝ Սյունիքի մարզի Հալիձոր-Սատանի կամուրջ-Տաթեւ (13-14կմ), Քարաշեն-Տեղ (11 կմ) եւ Արագածոտնի մարզի Թալին-Դաշտադեմ ճանապարհահատվածների վերակառուցման համար:
