Արագածոտնի մարզի խորհրդի նիստում մարզպետարանի ֆինանսական եւ սոցիալ-տնտեսական զարգացման վարչության պետ Ն. Գալստյանը տեղեկացրել է, որ 2010-ի առաջին կիսամյակում սեփական եկամուտների՝ հողի հարկի եւ գույքահարկի հավաքը մարզում կատարվել է ընդամենը 34,6 տոկոսով: Լավագույն արդյունքը Ապարանի տարածաշրջանինն է՝ 104, 4 տոկոս: Այս ոչ մխիթարական ցուցանիշը արձանագրած մարզի ղեկավարը երեկ հրավիրված էր Գյուղատնտեսության զարգացման միջազգային հիմնադրամի (IFAD)՝ Հայաստանում 2011-15թթ. գյուղական կարողությունների ստեղծման 52 միլիոն դոլարանոց հերթական ծրագրի բացմանը, սակայն չէր եկել: Չէին եկել նաեւ Տավուշի եւ Վայոց ձորի մարզպետները: Այս 52 միլիոնից 37 միլիոնը կուղղվի սահմանամերձ գյուղերի ենթակառուցվածքների արդիականացմանը։
Ու անկախ մարզի եւ սահմանամերձ գյուղի նկատմամբ մարզպետի վերաբերմունքից, անկախ սեփական եկամուտները հավաքելու կարողությունից, Գյուղատնտեսության զարգացման միջազգային հիմնադրամի ծրագիրը նշված երեք մարզերի համար է եւ իրականացվելու է:
