Պարզվում է, ամառային այս շոգին անգամ աղբատար մեքենաները չեն դիմանում: Մալաթիա-Սեբաստիա համայնքի Օհանովի 6-րդ շենքի աղբահանությունը հենց այդ պատճառով չի կատարվում: Շենքի բնակիչների պատմելով՝ աղբն այնքան է լցվել, որ խողովակներով հասել է մինչեւ 4-րդ հարկ: Մեր հարցին ի պատասխան, «Կռունկ» ընկերության տնօրեն Հրաչ Պետրոսյանն ասաց, որ մի քանի մեքենա շարքից դուրս է եկել, շարժիչներն էին վնասվել շոգից, բայց անսարքությունն արդեն վերացվել է եւ հենց այսօր մեքենաները դուրս կգան աշխատանքի:
