Հուլիսի 4-ին Շիրակի մարզի Բավրա գյուղը համայնքի ղեկավար էր ընտրում: Ուշագրավ է, որ բոլոր մակարդակներում պաշտոնի համար կռիվ տվող կուսակցությունները անտարբեր էին: Բավրայի գյուղապետ դառնալու ցանկություն ունեին երեքը՝ գործող գյուղապետ Կորյուն Սումբուլյանը, Գեւորգ Պետրոսյանը եւ Մկրտիչ Պետրոսյանը, երեքն էլ՝ անկուսակցական:
538 բնակիչ եւ մոտ 400 ընտրող ունեցող համայնքում ընտրությունն անցել է հանգիստ, առանց լարվածության եւ միջադեպերի: Գործող գյուղապետից չորս քվե ավելի՝ 137 ձայն ստանալով՝ հաղթել է Մկրտիչ Պետրոսյանը:
