ՀՀ ոստիկանությունից տեղեկանում ենք, որ ոստիկանության Վանաձորի բաժնում հուլիսի 7-ին հաղորդում է ստացվել, որ ժամը 21։55-ի սահմաններում 1987 թ. ծնված Ռաֆայել Մեսրոպյանը, վարելով անհայտ մակնիշի եւ պետհամարանիշի մոտոցիկլետ, Տիգրան Մեծի պողոտայի թիվ 79 շենքի մոտ բախվել է 1969 թ. ծնված Արշալույս Զ.-ի վարած «Ֆոլքսվագեն Պոլո» մակնիշի ավտոմեքենային, ինչի հետեւանքով Ռ. Մեսրոպյանը մարմնական վնասվածքներով տեղափոխվել է թիվ 1 հիվանդանոց, որտեղ հուլիսի 8-ին՝ ժամը 00։20-ին, մահացել է։ Քննությունը վարում է քննչական բաժինը։
