Կառավարությունը երեկ հավանության արժանացրեց Հայաստանում ատոմային էներգետիկայի բնագավառում բարձրորակ մասնագետներ պատրաստելու մասին նախագիծը: Դրա նպատակով Ճարտարագիտական եւ Պետական համալսարաններում 2011-2020թթ. կստեղծվեն էներգետիկայի «գծով» նոր մասնագիտություններ եւ անվճար տեղեր՝ 50 բակալավրային եւ 15 մագիստրոսական: Իսկ լավ առաջադիմություն ունեցող ուսանողների համար կսահմանվեն լրացուցիչ կրթաթոշակներ, ատոմակայանի ուսումնավարժական կենտրոնում կապահովվի նրանց ուսումնական պրակտիկան, կտպագրվեն համապատասխան դասագրքեր ու ձեռնարկներ, ուսանողների ու դասախոսների համար կկազմակերպեն վերապատրաստման դասընթացներ՝ արտասահմանի միջուկային ատոմային կենտրոններում:
