Հուլիսի 3-5-ին ճանաչողական այցով ԼՂՀ-ում էին գտնվում Հայաստանի ԱԳՆ-ի մի քանի տասնյակ աշխատակիցներ, ովքեր այցելել են Ստեփանակերտ, Գանձասար, Տիգրանակերտ եւ Շուշի: Հուլիսի 5-ին՝ Սահմանադրության օրվա առթիվ, ՀՀ ԱԳՆ-ի աշխատակիցների պատվին ԼՂՀ ԱԳՆ-ում կազմակերպվել է ընդունելություն: Երկկողմ պայմանավորվածություն է ձեռք բերվել երկու ԱԳՆ-ների միջեւ տարբեր մակարդակներով կանոնավոր շփումները ավելի հաճախակի դարձնելու վերաբերյալ: Ինչպես «ՆՏ»-ին հայտնեցին ՀՀ ԱԳՆ մամուլի եւ տեղեկատվության վարչությունից, այնուհետեւ ԼՂՀ Ազգային ժողովում ՀՀ ԱԳՆ-ի աշխատակիցներին ընդունել է ԼՂՀ Ազգային ժողովի նախագահ Աշոտ Ղուլյանը: Նույն օրը ՀՀ ԱԳՆ-ի աշխատակիցները ծաղկեպսակ են դրել Ստեփանակերտի «Եղբայրական շիրիմին»՝ հարգանքի տուրք մատուցելով ԼՂՀ ազատագրման համար զոհվածների հիշատակին:
