Հարավային Կովկասի իրավապաշտպան ցանցի հայաստանյան անդամ թվով 9 կազմակերպություններ երեկ ԱՄՆ պետքարտուղար Հիլարի Քլինթոնի հետ քաղաքացիական հասարակության ներկայացուցիչների հետ հանդիպման ժամանակ մի նամակ են փոխանցել, որում մասնավորապես ասված է, թե «հասկանալով, որ տարածաշրջանում տիրող ներկա իրավիճակում ԱՄՆ պետքարտուղարի ուշադրությունն ավելի շատ սեւեռվելու է Հայաստանի արտաքին քաղաքականության վրա», ոչ պակաս կարեւոր են համարել ներքին իրավիճակը, «որը լարված է 2008-ի նախագահական կեղծված ընտրություններից ի վեր»: Թվով 9 կազմակերպությունները պետքարտուղարին փոխանցված նամակում Հայաստանում խորը հասարակական-քաղաքական ճգնաժամի լուծման եւ քաղաքացիական համերաշխության հաստատման համար իրենց նախապայմաններն են մատնանշել:
