ԹԵԵՎ ԻՆՔՆԻՆ ԱՅՑԸ ԿԱՐԵՎՈՐ ԷՐ

ԱՄՆ պետքարտուղար Հիլարի Քլինթոնը երեկ առավոտյան այցելեց Ծիծեռնակաբերդի հուշահամալիր՝ 1 րոպե լռությամբ հարգեց 1915-ին զոհված 1,5 մլն հայերի հիշատակը, ծաղկեպսակ ու ծաղիկներ դրեց անմար կրակի մոտ: Ու թեեւ այդ ծաղկեպսակի վրա (լուսանկարում) գրված էր «ԱՄՆ պետքարտուղար Հիլարի Քլինթոնի կողմից», Հայաստանում ԱՄՆ դեսպանատունը հետո հաղորդագրություն տարածեց, թե դա «մասնավոր այց» էր: Նշենք, որ ԱՄՆ Հայկական ազգային կոմիտեն՝ ՀՅԴ Հայ դատի գրասենյակը, այս կապակցությամբ երեկ տարածել է հայտարարություն: «Հաշվի առնելով այս այցը շրջապատող գաղտնիությունը եւ հրապարակային հայտարարությունների բացակայությունը»՝ հանձնախմբի գործադիր տնօրեն Արամ Համբարյանը նշում է, թե որքան էլ ինքնին այդ այցը կարեւոր լինի՝ «չի ներկայացնում շոշափելի անցում դեպի Միացյալ Նահանգների կողմից այդ հանցագործության պատշաճ դատապարտում եւ հիշատակում: Այս այցն իրոք կորսված հնարավորություն էր պետքարտուղարի եւ ԱՄՆ-ի համար»: Նաեւ հիշեցված է, որ 2008-ի նախագահական ընտրարշավի ընթացքում Հիլարի Քլինթոնը հանդես էր գալիս ԱՄՆ կողմից Հայոց ցեղասպանության ճանաչման օգտին:
Կարդացեք նաեւ՝