xocali.net կայքը տեղեկացնում է, որ թուրքական Իզմիր քաղաքում բացված ցուցահանդեսում, որը նվիրված էր Աղդամի մատույցներում տեղի ուենցած ողբերգության հերթական տարելիցին, որպես «հայկական ագրեսիայի զոհ» ներկայացվել է… Ահմեդ Ջեմալը, նույն ինքը՝ Ջեմալ փաշան՝ 1915 թվականի հայերի ցեղասպանության հիմնական գաղափարախոսն ու իրականացնողը: Իսկ թե ինչպես են Ահմեդ Ջեմալի փտած մնացորդները մոտ 100 տարի անց հայտնվել ադրբեջանական քարոզչամեքենայի ավանգարդում՝ ցուցահանդեսի կազմակերպիչները չեն ասում:
