Եվրամիության արտաքին գործերի նախարար Քեթրին Էշտոնը Արեւելյան Երուսաղեմում պաղեստինցիների տները քանդելու՝ Իսրայելի ծրագիրը որակել է որպես «խաղաղության ճանապարհին հարուցված խոչընդոտ»: Երուսաղեմի իսրայելական հատվածի իշխանությունները հայտարարել են, որ մտադիր են քանդել ավելի քան 20 տուն՝ այդ տարածքը մաքրելու եւ արաբական Սիլվան թաղամասում (նկարում) հնէաբանական այգի կառուցելու նպատակով: BBC-ի փոխանցմամբ, Էշտոնն ասել է, թե տներ քանդելու՝ իսրայելցիների ծրագիրը հակասում է միջազգային իրավունքին եւ նախազգուշացրել է, որ այդ քայլը կարող է անհնարին դարձնել մերձավորարեւելյան հակամարտության լուծումը: Ընդսմին, Մերձավոր Արեւելքում ԱՄՆ ներկայացուցիչ Ջորջ Միտչելլը իսրայելցիներին եւ պաղեստինցիներին ուղիղ բանակցություններ սկսելու կոչ անելու համար բանավեճերի հերթական փուլ է նախաձեռնել:
