Դեղերի անվտանգության հարցն այսօր շատ կարեւոր է: Հաշվի առնելով, որ Հայաստանն էլ զերծ չի մնում կեղծ դեղեր շրջանառելուց, 2 օր է՝ առողջապահության նախարարության Դեղերի եւ բժշկական տեխնոլոգիաների փորձագիտական կենտրոնում «Դեղերի շրջանառության կարգավորումը եւ Եվրամիության լավագույն փորձը» խորագրով աշխատանքային խորհրդաժողով է մեկնարկել: Ինչպես «Առավոտին» հայտնեցին կենտրոնից, կքննարկվեն դեղերի շրջանառության կարգավորմանը, մասնավորապես՝ դեղերի գրանցմանն առնչվող Եվրամիության օրենսդրությունը, լավագույն փորձը եւ համագործակցության հեռանկարները: Խորհրդաժողովը կանդրադառնա նաեւ Եվրոպայում դեղերի գրանցման նպատակով դեղերի անվտանգության, արդյունավետության եւ որակի արժեւորման ընթացակարգերին: Նշենք, որ, ըստ վիճակագրության, Եվրոպայում դեղերը կեղծվում են 3-10%-ով: Նիգերիայում՝ 60%-ով:
