![\"\"](\"https://www.aravot.am/2010/aravot_arm/June/26/p14.jpg\")
Մոսկվայի Սիմոնովսկի շրջանային դատարանը կարճել է ՅՈՒԿՕՍ-ի նախկին փոխնախագահ Վասիլի Ալեքսանյանի դեմ հարուցված քրեական գործը:
Գործը կարճվել է հանցանքի վաղեմության պատճառաբանությամբ: Նման միջնորդություն ներկայացրել էր պաշտպանական կողմը, մեղադրող կողմը եւս չի առարկել գործի կարճմանը: «Ազատություն» ռ/կ-ի փոխանցմամբ, ծանր հիվանդ Ալեքսանյանը մասնակցել է դատական նիստին եւ տվել է իր համաձայնությունը. նա չի առարկել, որ գործը կարճվի առանց ռեաբիլիտացիայի իրավունքի:
2006 թվականից անազատության մեջ գտնվող Ալեքսանյանը մեղադրվում էր ֆինանսական խոշոր չափի հափշտակություններ, մեքենայություններ կատարելու մեջ: Նա չի ընդունել մեղադրանքը:
Իրավապաշտպանները պնդում են, որ Ալեքսանյանի գործը սարքվել է ՅՈՒԿՕՍ-ի նախկին նախագահ Միխայիլ Խոդորկովսկու դեմ մեղադրանքները հիմնավորելու նպատակով:
