Հունիսի 21-ին Լվովում մեկնարկել է բռնցքամարտի Եվրոպայի ավագ տարիքի պատանիների առաջնությունը: ՀԱՕԿ-ի ինտերնետային կայքէջը տեղեկացնում է, որ Հայաստանի 12 պատվիրակներից ութը հաղթել են նախնական բոլոր մենամարտերում եւ մտել քառորդ եզրափակիչ: Իսկ ծանր քաշային Ռաֆայել Սիմոնյանը (Վանաձոր) երեկ ցերեկվա հերթում, տոնելով եւս մեկ հաղթանակ, արդեն կիսաեզրափակիչում է: Նա իր համար արդեն ապահովել է առնվազն բրոնզե մեդալ: Մեր հանրապետության մյուս յոթ ներկայացուցիչները ռինգ մտնելու էին երեկ երեկոյան: Մեր հավաքականի ավագ մարզիչը Ֆեդյա Ալեքսանյանն է:
