Երեկ Ջերմուկ առողջարանային քաղաքում մեկնարկեց ՖԻԴԵ-ի կանանց «Grand Prix» մրցաշարի չորրորդ փուլը: Իսկ նախորդ օրը կայացավ մրցաշարի բացման արարողությունը, որին ներկա գտնվելու նպատակով Հայաստան է ժամանել ՖԻԴԵ-ի նախագահ Կիրսան Իլյումժինովը: Նա բարձր գնահատեց Հայաստանի, մեր շախմատի ֆեդերացիայի ղեկավարության ծավալած աշխատանքը՝ շախմատը զարգացնելու եւ աշխարհագրությունն ընդլայնելու ուղղությամբ:
Խոսելով «Grand Prix» մրցաշարի հայաստանյան փուլի մասին՝ Իլյումժինովը նշեց, որ այն կարելի է համարել աշխարհի ոչ պաշտոնական առաջնություն, քանի որ Ջերմուկում խաղալու են աշխարհի մեծագույն երեք չեմպիոնուհիներ՝ Անտոանետա Ստեֆանովան (Բուլղարիա), Սյու Յուհուանը (Չինաստան) եւ Մայա Չիբուրդանիձեն (Վրաստան):
Առաջին տուրում գրանցվեցին հետեւյալ արդյունքները.
Բաիրա Կովանովա-Մարթա Ֆիերո՝ 1:0
Սյու Յուհուա-Լիլիթ Մկրտչյան՝ 0:1
Հու Յիֆան-Շեն Յանգ՝ 0:1
Անտոանետա Ստեֆանովա-Նանա Ձագնիձե՝ 0:1
Էլինա Դանիելյան-Մայա Չիբուրդանիձե՝ 1:0
Պիա Կրամլինգ-Տատյանա Կոսինցեւա՝ 1/2:
