Իսպանիայում, Բարսելոնայից ոչ հեռու, արագընթաց գնացքը վրաերթի է ենթարկել մի խումբ երիտասարդների, որոնցից 12-ը մահացել է եւ եւս 17-ը վնասվածքներ է ստացել: Պատահարը տեղի է ունեցել հինգշաբթի գիշերը, երբ երիտասարդների մի խումբ մեկնել է Սուրբ Հովհաննեսի տոնին եւ երկաթգծերն անցել է հետիոտնի համար արգելված հատվածով՝ նախընտրելով չմտնել Բարսելոնան եւ Ալիկատեն կապող ստորգետնյա անցումը: Վնասվածքներ ստացածներից երեքի վիճակը գնահատվել է ծայրահեղ ծանր: Այդ մասին փոխանցում է «Reuters»-ը: Փրկարարները զոհվածների մարմինները հայտնաբերել են երկաթգծերի մոտ:
