Իրանի հյուսիս-արեւմտյան սահմանին ռազմական դրություն է հայտարարվել: Իսլամական հեղափոխության պահապանների կորպուսը զորքեր եւ ռազմական տեխնիկա է կուտակում Մերձկասպյան տարածաշրջանում, որտեղ ԱՄՆ-ի եւ Իսրայելի զինված ուժեր են տեղակայվել, ընդ որում՝ Ադրբեջանի ռազմաբազաներում, ու պատրաստ են ցանկացած պահի հարված հասցնել Իրանի ատոմային օբյեկտներին: News.am-ի մատուցմամբ, նախօրեին ԻՀՊԿ-ի հրամանատարներից մեկը՝ գեներալ Մեհդի Մոինին հայտարարել է, թե իրեն հանձնարարվել է «ամերիկա-իսրայելական հարձակումը ետ մղել: Մոբիլիզացիան հայտարարվել է ամերիկյան եւ իսրայելական զորքերի տեղակայման փաստով: Որոշ արեւմտյան երկրներ զբաղված են էթնիկ բախումների հրահրմամբ՝ իրավիճակն ապակայունացնելու համար»,- հաղորդել է «Mignews»-ը:
Իրանական asriran.com կայքն իր հերթին տեղեկացնում է, որ ռազմական հարձակման դեպքում Իսրայելն օգտագործելու է Վրաստանի եւ Ադրբեջանի տարածքը, քանի որ Էրդողանը չեղյալ է հայտարարել իր երկրի եւ Իսրայելի ռազմական պայմանագիրը: Կայքը նշում է, որ Ադրբեջանի խորհրդարանը վերջերս է ընդունել ռազմական դոկտրինը, որը թույլ է տալիս օտարերկրյա ռազմաբազաների տեղակայումն իր երկրի տարածքում:
