Nielsen վերլուծաբանական ընկերության տվյալներով՝ ինտերնետ օգտագործողները ապրիլ ամսին բլոգներում եւ սոցցանցերում անցկացրել են միջինը 6 ժամ: Ընդհանուր առմամբ՝ «ինտերնետչիկները» սոցցանցերում անցկացրել են 110 մլրդ րոպեից ավելի: Այսպիսով, ամեն 9 րոպեից 2-ը ցանցում մարդիկ կարդում կամ մեկնաբանություն են գրում բլոգներում:
Նման ռեսուրսների լսարանը մեկ տարում աճել է 24%-ով եւ 66%-ով մեծացել է ժամանակը, որ մարդիկ անցկացնում են այդ կայքերում: Իսկ հայտնի Facebook սոցցանցը դարձել է աշխարհում ամենահայտնի 3-րդ կայքը: Համաշխարհային սարդոստայնի օգտագործողների 54%-ը Facebook.com-ի լսարանից են: Բլոգների եւ սոցցանցերի հաճախորդների ամենաբարձր վարկանիշը Բրազիլիայում է: Երկրորդ եւ երրորդ տեղում են համապատասխանաբար Իտալիան եւ Իսպանիան:
