Այսօր Ջերմուկում մեկնարկում է ՖԻԴԵ-ի կանանց «Grand Prix» մրցաշարի չորրորդ փուլը, որին տրվել է «Հենրիկ Գասպարյանի հուշամրցաշար» անվանումը:
Առողջարանային այս քաղաքում հարաբերությունները պարզելու են հավաքվել Հու Յիֆանը, Սյու Յուհուան, Շեն Յանը (երեքն էլ՝ Չինաստան), Անտոանետա Ստեֆանովան (Բուլղարիա), Պիա Կրամլինգը (Շվեդիա), Տատյանա Կոսինցեւան, Բաիրա Կովանովան (երկուսն էլ՝ Ռուսաստան), Մայա Չիբուրդանիձեն, Նանա Ձահնիձեն (երկուսն էլ՝ Վրաստան), Լիլիթ Մկրտչյանը, Էլինա Դանիելյանը (երկուսն էլ՝ Հայաստան), Մարթա Ֆիերոն (Էկվադոր):
Մրցաշարի հաղթողն ու մրցանակակիրները հայտնի կդառնան հուլիսի 5-ին:
