Իտալացի քաղաքական գործիչ Ումբերտո Բոսսին, որը ներկայացնում է «Հյուսիսի լիգա» կուսակցությունը, ենթադրում է, որ «F» խմբում հանդես եկող իր երկրի ազգային հավաքականը խմբային պայքարի վերջին խաղում կապահովի հաղթանակը Սլովակիայի նկատմամբ եւ կանցնի 1/8 եզրափակիչ, բայց դա կանի ոչ ազնիվ ճանապարհով:
«Իմ կանխատեսումը ոչ մի նշանակություն չունի, քանի որ նրանք պատրաստվում են գնել խաղի ձեռնտու հաշիվը: Կտեսնեք, որ արդեն հաջորդ մրցաշրջանում մեր երկրի առաջնության «A» սերիայում հանդես կգան սլովակցի երկու-երեք ֆուտբոլիստներ»,- Բոսսիին մեջբերում է իտալական «football Italia»-ն:
