Չիլիի հավաքականի մամուլի քարտուղար Կլաուդիո Օլմեդոն լրատվամիջոցներին տեղեկացրել է, թե իրենց ֆուտբոլիստների հետ շփվելն ինչ արժե: Նրա խոսքերով, էքսկլյուզիվ հարցազրույցի համար իրենց ֆեդերացիային պետք է վճարել $14 հազար եւ մամուլի ասուլիսից հետո մեկ ժամ հարցազրույց վարելու իրավունք ստանալ: Այս պայմանը չի տարածվում այն հեռուստաընկերությունների վրա, որոնք աշխարհի առաջնության հանդիպումները հեռարձակելու իրավունք ունեն: Ընդ որում, հարցազրույց կարելի է վարել միայն այն ֆուտբոլիստների հետ, որոնք հրավիրված են եղել մամուլի ասուլիս:
