Մալաթիա-Սեբաստիա համայնքի Րաֆֆու 19 շենքին հարակից այգում կանաչ գոտու հաշվին հերթական շինարարությունն է ընթանում: Բնակիչների վստահեցմամբ՝ շինարարությունը կարող է վնասել ոչ միայն ծառերը, այլեւ ամբողջ թաղամասի խմելու ջրի խողովակաշարը, քանի որ խողովակները հենց այդ հատվածով են անցնում: Րաֆֆու 19 շենքի մոտ 2 տասնյակ բնակիչներ «Մենք են մեր քաղաքի տերը» հասարակական կազմակերպության միջոցով դիմել են ՀՀ վարչապետ Տիգրան Սարգսյանին եւ Երեւանի քաղաքապետ Գագիկ Բերգլարյանին. «Խնդրում ենք ձեր աջակցությունը՝ պահպանելու կանաչապատ տարածքը, կասեցնելու շինարարությունը»:
