Վերջին տարիներին Սեւանա լճի մակարդակի բարձրացումը, ափամերձ օբյեկտներին վնասելուց բացի, սպառնում է նաեւ տարածքներում առկա կոմունիկացիաներին: Այդ նպատակով ՀՀ նախագահին առընթեր Սեւանա լճի հիմնահարցերի հանձնաժողովի, ՀՀ քաղաքաշինության, բնապահպանության, տրանսպորտի եւ կապի ու էներգետիկայի եւ բնական պաշարների նախարարների հրամաններով ստեղծվել են աշխատանքային խմբեր, որոնք ուսումնասիրել են Սեւանա լճի ջրի մակարդակի բարձրացման հեռանկարային պատկերը եւ անհրաժեշտ միջոցառումների ծավալները։ Ինչպես հայտնում են «ՀայՌուսգազարդ» ընկերությունից, Սեւանա լճի մակարդակի բարձրացմանը զուգընթաց, ջրածածկվող եւ ողողման գոտիներից գազատարների վերատեղադրման նպատակով նախատեսվում է 2010-2011 թվականներին կառուցել շուրջ 8 կմ գազատար:
