Իջեւանի քաղաքապետարանի բջջային հեռախոսահամարների փաթեթի ունեցած 9 միլիոն 870 հազար դրամի պարտքի համար «Ղ- Տելեկոմ» (ՎիվաՍել) ՓԲԸ-ն դատի էր տվել քաղաքապետարանին: Տավուշի մարզի ընդհանուր իրավասության դատարանի դատավոր Զոյա Զաքինյանը (նստավայրը՝ քաղաք Բերդ) պարտքը մարելու համար մինչեւ ապրիլի 30-ը ժամանակ էր տվել քաղաքապետարանին: Այս գործով դատավարությունը սկսվել էր ապրիլի 30-ին եւ մի քանի անգամ ընդհատվել: Հունիսի 17-ին Տավուշի մարզի առաջին ատյանի դատարանի դատավոր Զոյա Զաքինյանը վճռել է Իջեւանի քաղաքապետարանից՝ հօգուտ «Ղ-Տելեկոմի», բռնագանձել 8 միլիոն 522 հազար դրամ: Պարտքի մի մասն այս ընթացքում մարվել է:
