Երեւանի քաղաքապետարանը տեղեկացնում է, որ Ծիծեռնակաբերդի խճուղու վերակառուցման աշխատանքներով պայմանավորված՝ հունիսի 22-ից ամբողջությամբ կդադարեցվի տրանսպորտային միջոցների երթեւեկությունը Ծիծեռնակաբերդի խճուղում:
Նշված ճանապարհով շահագործվող ավտոբուսային թիվ 19, 26, 33, 50ա եւ միկրոավտոբուսային թիվ 62, 70, 74, 87, 90, 102, 110 երթուղիների համար սահմանվել են ժամանակավոր ուղեգծեր: Մինչեւ շինարարական աշխատանքների ավարտը նշված ներքաղաքային երթուղիները Մաշտոցի պողոտայից կշահագործվեն Պարոնյան, Պռոշյան, Մարշալ Բաղրամյան, Օրբելու, Կիեւյան փողոցներով, ինչպես նաեւ «Հաղթանակի» կամրջով դեպի Ծովակալ Իսակովի պողոտա: Հետադարձը՝ նույն ուղղություններով:
