Սերժ Սարգսյանը երեկ պաշտոնական այցով մեկնեց Գերմանիայի Դաշնային Հանրապետություն: Բեռլինում նախագահը հանդիպումներ կունենա Գերմանիայի նախագահի պաշտոնակատար Յենս Բյոհրնզենի, կանցլեր Անգելա Մերկելի, Բունդեսթագի նախագահի, ինչպես նաեւ Տնտեսության արեւելյան հանձնաժողովի ղեկավարության եւ գործարար շրջանակների ներկայացուցիչների հետ: Հանրապետության ղեկավարը Բեռլինում կհյուրընկալվի Կոնրադ Ադենաուերի հիմնադրամի ակադեմիայում, որտեղ հանդես կգա ելույթով: Սերժ Սարգսյանը հանդիպում կունենա նաեւ Գերմանիայի հայ համայնքի ներկայացուցիչների հետ:
