Վերջին մեկ տարում մի քանի անգամ անդրադարձել ենք Իջեւան-Բերդ հանրապետական նշանակության ճանապարհի՝ Վազաշեն գյուղի մատույցներում սողանքից փլուզված հատվածին: Վերջին անգամ այս տարվա ապրիլի 4-ին տեղեկացրել ենք, որ ՀՀ կառավարությունը 210 միլիոն դրամ էր հատկացրել ճանապարհը տեսքի բերելու եւ 197 միլիոն՝ ասֆալտապատելու համար:
Մայիսի 20-ից սկսել են 1350 մ երկարությամբ նոր ճանապարհի կառուցապատման աշխատանքները: Ճանապարհի շինարարությունից զատ, ճամփի եզրին ջրատարներ են կառուցվում: Աշխատանքներն իրականացվում են առանց ավտոմեքենաների երթեւեկը դադարեցնելու: Ճանապարհաշինական ընկերության աշխղեկ Արծրուն Փիրումյանը «Առավոտին» հայտնեց, որ ճանապարհը վերջնական տեսքի կգա հունիսի 20-25-ին:
