«Արտակարգ ալիք» լրատվական կենտրոնը տեղեկացնում է, որ հունիսի 17-ին, ժամը 14-14.30-ը տեղացած ուժեղ կարկուտից վնասվել են Գեղարքունիքի մարզի Զոլաքար գյուղի 30 հեկտար կարտոֆիլի, 30 հեկտար կաղամբի, 60 հեկտար ցորենի եւ գարու ցանքատարածքները: Նույն օրը ժ. 15.40-15.55-ը ուժեղ կարկուտ է տեղացել Արագածոտնի մարզի Ապարան-Քուչակ հատվածում, իսկ 19.30-19.45-ը՝ ուժեղ կարկուտ է տեղացել Վայոց ձորի մարզի Արենի եւ Աղավնաձոր համայնքներում: Վնասի չափը ճշտելու նպատակով գյուղապետարաններում ստեղծվել են հանձնաժողովներ: Լոռու մարզում տեղացած հորդառատ անձրեւների հետեւանքով վարարել է Տանձուտ գետի վտակը, խցանվել է Շահումյանի գյուղամիջյան ջրատարը, ափերից դուրս եկած ջուրը ողողել է մոտակա ցանքատարածքները: Հիշեցնենք, որ այս տարվա գարնանը եւ ամռանը անձրեւից եւ կարկուտից արդեն տուժել էին Արարատը, Կոտայքը, Սյունիքը, Լոռին, Տավուշը:
