Այսօր «Արամ Խաչատրյան» համերգասրահում կկայանա Հայաստանի պետական ![\"\"](\"https://www.aravot.am/2010/aravot_arm/June/17/p12.jpg\")
ակադեմիական երգչախմբի համերգը եւ 20-րդ դարի երգչախմբային արվեստի մեծություններից մեկի՝ Հովհաննես Չեքիջյանին նվիրված գրքի շնորհանդեսը: Հեղինակն է երաժշտագետ, արվեստագիտության դոկտոր, ՀՀ ԳԱԱ արվեստի ինստիտուտի փոխտնօրեն Աննա Ասատրյանը: Ժամանակին Չեքիջյան քաղաքացուն ու արվեստագետին են անդրադարձել Անժելա Հովհաննիսյանը, Սուսաննա Դավթյանը եւ այլք, սակայն Աննա Ասատրյանի «Ամենայն հայոց մաեստրո» գիրքը ուշագրավ է նրանով, որ հայրենական երաժշտագիտության մեջ առաջին անգամ լուսաբանվում է մաեստրոյի ստեղծագործական ուղին, բացահայտվում դիրիժորի ստեղծագործական 65-ամյա գործունեությունը, որը շարունակվում է մինչ այսօր, իսկ հավելվածում տեղ է գտել Չեքիջյանի ղեկավարությամբ երգչախմբի հյուրախաղերի ու երգչախմբի կողմից կատարված երկերի ցանկը, որը շրջանառության մեջ է դրվում առաջին անգամ: Տեղի սղության պատճառով հնարավոր չէ ներկայացնել մաեստրոյի բոլոր կոչումներն ու պարգեւները:
