Մայիսի 19-ի «Սյունեցի դպրոցականների հաջողությունները» հրապարակմամբ ներկայացրել էինք դպրոցականների առարկայական օլիմպիադայի հանրապետական փուլին մասնակցած սյունեցի երեխաների հաջողությունները եւ տեղեկացրել, որ օլիմպիադայի մարզային փուլում հաջողությամբ հանդես եկած սյունեցի աշակերտներից ոմանք չմասնակցեցին հանրապետական փուլին՝ ինչպես առողջական խնդիրներ ունենալու, այնպես էլ՝ մարզպետարանի կողմից ֆինանսական աջակցություն չստանալու պատճառով: Արձագանքելով այս տեղեկատվությանը, Սյունիքի մարզպետարանի կրթության բաժինը տեղեկացրեց, որ երեխաների՝ հանրապետական փուլին չներկայանալու պատճառը մարզպետարանի կողմից չֆինանսավորման հետ կապ չուներ, քանի որ ոչ մի տարի մարզպետարանը հանրապետական փուլին երեխաների մասնակցությունը չի ֆինանսավորում: Մարզպետարանը հոգում է մարզային փուլին մասնակցող երեխաների տրանսպորտային ծախսերը:
