Հունիսի 15-ին Աշտարակի ոստիկանությունից ահազանգ է ստացվել, որ Աշտարակ-Երեւան մայրուղում տեղի է ունեցել պատահար: Դեռեւս չպարզված հանգամանքներում՝ «Նիսսան պատֆայնդեր» մակնիշի 20 SS 042 պետհամարանիշի ավտոմեքենան դուրս է եկել ճանապահի երթեւեկելի մասից եւ հարվածել բետոնե արգելապատնեշին: Պատահարի հետեւանքով Սպիտակի բնակիչներ՝ 25-ամյա վարորդ Ա. Դիլբարյանը եւ ուղեւոր Գ. Սահակյանը տեղում զոհվել են, իսկ 19-ամյա ուղեւորներ Ա. Ավետիսյանը եւ Ա. Միրզոյանը մարմնական վնասվածքներով տեղափոխվել են Աշտարակի հիվանդանոց, այնուհետեւ Երեւանի «Արմենիա» եւ «Էրեբունի» բժշկական կենտրոններ: Իսկ Երեւանի Կիեւյան 14 շենքի դիմաց տեղի ունեցած պատահարի ժամանակ թիվ 63 երթուղային տաքսին («ԳԱԶԵԼ» մակնիշի 3262S պետհամարանիշի ավտոմեքենա) բախվել էր «ՏՈՅՈՏԱ» մակնիշի 01 US 701 պետհամարանիշի ավտոմեքենային, ինչի հետեւանքով հրդեհ է բռնկվել:
