Երեկ ձերբակալվել է Հայ ազգային կոնգրեսի Արաբկիրի կառույցի ակտիվիստներից մեկը՝ ձեռներեց Արմեն Հովհաննիսյանը, որը Կոնգրեսում զբաղվում էր ընդդիմության կողմից տարածվող տեսասկավառակների եւ խտասկավառակների պատրաստմամբ: Կոնգրեսի իրավական աջակցության կենտրոնի ներկայացուցիչ Արմեն Խաչատրյանն այդ առնչությամբ ի պատասխան «Առավոտի» հարցին՝ ասաց, թե Ա. Հովհաննիսյանի ձերբակալության իրական պատճառն առայժմ հայտնի չէ, եւ որ Կոնգրեսը դրանով զբաղվում է: Իսկ առայժմ, ըստ չճշտված տեղեկությունների, Հովհաննիսյանի ձերբակալությունը պայմանավորված է վերջինիս կողմից հարկային պարտավորությունները չկատարելու փաստով:
