![\"\"](\"https://www.aravot.am/2010/aravot_arm/June/12/p13.jpg\")
Հունիսի 10-ին ՄԱԿ-ի Անվտանգության խորհրդում Իրանի դեմ ընդունված պատժամիջոցներին դեմ էին քվեարկել միայն Թուրքիան եւ Բրազիլիան, որոնք կոչ էին արել միջուկային ծրագրի շուրջ տարաձայնությունները հարթել դիվանագիտական ճանապարհով։
«Ես հիասթափված եմ Անկարայի քվեարկությունից»,- «Ազատություն» ռ/կ-ի մատուցմամբ, հայտարարել է Միացյալ Նահանգների պաշտպանության նախարար Գեյթսը՝ Բրյուսելում ՆԱՏՕ-ի պաշտպանության նախարարների նիստի ավարտին: Պենտագոնի ղեկավարը միաժամանակ նշել է, որ այդ քայլը չի ազդի ռազմական ոլորտում թուրք-ամերիկյան համագործակցության վրա, քանի որ «Թուրքիան շարունակում է առանցքային դերակատարում ունենալ ՆԱՏՕ-ում»:
