Կառավարությունը երեկ հաստատեց Երեւանի մի շարք բուժհաստատություններում առաջիկայում փորձարարական կարգով պետության կողմից երաշխավորված բուժօգնության եւ սպասարկման ծառայությունների դիմաց փոխհատուցման համավճարային նոր կարգի կիրառումը: Համավճարի ներդրմամբ հնարավոր կլինի կառավարել բուժհաստատությունների ֆինանսական հոսքերը, բարձրացնել բժշկական ծառայությունների որակը եւ օրինական դաշտ բերել ոչ պաշտոնական վճարումների ծավալը: Այն նաեւ կնպաստի բուժաշխատողների աշխատավարձերի բարձրացմանը: «Նախատեսվում է համավճարից ստացված գումարների մոտ 60%-ն ուղղել աշխատավարձերի ֆոնդի համալրմանը»,- երեկ այս մասին կառավարությունում ասաց առողջապահության նախարար Հարություն Քուշկյանը:
