Երեկ Հարավ- Աֆրիկյան Հանրապետության Իոհաննեսբուրգ քաղաքում բացվեց ՖԻՖԱ-ի 60-րդ համաժողովը, որի աշխատանքներին մասնակցելու նպատակով ֆուտբոլի աշխարհի առաջնությունն ընդունող երկիր է մեկնել Հայաստանի ֆուտբոլի ֆեդերացիայի պատվիրակությունը: ՀՖՖ-ն ներկայացնում են ֆեդերացիայի փոխնախագահ Աշոտ Մանուկյանը, գործադիր տնօրենի տեղակալ Կարեն Դոխոյանը եւ հավաքական թիմերի նյութատեխնիկական ապահովման բաժնի պետ Էդգար Մանուկյանը: Այս մասին տեղեկացնում է ՀՖՖ մամուլի քարտուղարությունը եւ ավելացնում, որ մեր պատվիրակության անդամները ներկա են գտնվելու աշխարհի առաջնության բացման հանդիսավոր արարողությանը եւ ՀԱՀ-Մեքսիկա խաղին:
