«Հետազոտությունները ցույց են տվել, որ կեղծվում է հիմնականում հայկական արտադրության դեղորայքը, ինչն էլ հարված է հասցնում հայ արտադրողին»,- երեկ լրագրողների հետ հանդիպման ժամանակ ասել է Դեղարտադրողների եւ ներմուծողների միության տնօրեն Սամվել Զաքարյանը: Պատասխանելով հարցին, թե որքանով է որակյալ հայ արտադրողների դեղորայքը, նա վստահեցրել է, որ չի եղել դեպք, երբ հայկական դեղը մարդկանց առողջության վրա վատ ազդեցություն ունենա: Մասնագետը նաեւ հայտնել է, որ մեր երկրում ժամկետանց դեղեր այլեւս չկան, իսկ լինելու դեպքում մեղավորը դեղատան վաճառողն է: Պարոն Զաքարյանի խոսքերով, տեղական արտադրողները շահ չունեն դեղերը կեղծելու, քանի որ նրանց ընտանիքի անդամներն էլ են այդ դեղերը սպառում:
