Ուսանողական այգում սրճարանի կառուցման իրավազորության հարցը կարող է լուծվել դատարանում: Այդպիսի նախաձեռնությամբ է հանդես եկել Facebook-ում ստեղծված «Մենք ենք այս քաղաքի տերը» խումբը: «Արմինֆոյի» փոխանցմամբ, խմբի ադմինիստրատոր Արթուր Ավթանդիլյանը հայտնել է, որ հաջորդ շաբաթ Երեւանի քաղաքապետարանի դեմ կոլեկտիվ հայց կներկայացվի դատարան.«Հայցին արդեն 20 մարդ է միացել: Այս մարդիկ, այսպես թե այնպես, կապված են այգու «շրջակայքի» հետ. ուսանողներ, Ազգային գրադարանի ընթերցողներ: Բացի այդ, մեզ աջակցել են նաեւ այնպիսի հայտնի անձինք, ինչպես, օրինակ՝ Բյուրականի աստղադիտարանի տնօրեն Հայկ Հարությունյանը»: Հայաստանի սպառողների ասոցիացիայի տվյալներով, հանուն սրճարանի՝ հատվել է 20 ծառ, ինչի մասին են վկայում լուսանկարները եւ տեսանյութերը:
