![\"\"](\"https://www.aravot.am/2010/aravot_arm/June/10/p1.jpg\")
Երեկ Կառավարության նիստերի դահլիճի մուտքի մոտ հավաքվածները իրենց բողոքն էին արտահայտում օտարալեզու դպրոցների բացման դեմ՝ վանկարկելով՝ «Կրթությունը՝ հայերեն»: Իրավապաշտպան Ավետիք Իշխանյանի խոսքերով, հարկավոր է պահանջել ոչ միայն կրթության եւ գիտության նախարարի, այլեւ ամբողջ կառավարության հրաժարականը: «Սա ցույց է տալիս, որ Հայաստանի իշխանությունները ունեն ազգային անլիարժեքության բարդույթ եւ չեն հավատում Հայաստանի ապագային: Իսահակյանը մի գեղեցիկ խոսք ունի. ասում է՝ մեր հայրենիքը մեր լեզուն է: Եթե նրանք սրան չեն հավատում, ուրեմն օտար լեզուներն են նրանց հայրենիքը, օտար ափերը: Զարմանալի է այդպիսի իշխանության գոյությունը անկախ պետության մեջ»,- ըստ «Ազատություն» ռ/կ-ի, ասաց Իշխանյանը:
