ՀՀ ոստիկանության տեղեկատվության վարչությունից երեկ հերքեցին այն լուրերը, թե հունիսի 4-ին Բաղրամյան փողոցի «ՍԱՍ» սուպերմարկետի մոտ «լուրջ միջադեպ է տեղի ունեցել ոստիկանների եւ 2 հարբած ԱԱԾ աշխատակից- քաղաքացիների միջեւ»: Ըստ ոստիկանության, 2 հարբածները ցանկացել են մտնել խանութ, ինչը արգելել են «ՍԱՍ»-ի անվտանգության աշխատակիցները: ԱԱԾ աշխատակիցները միջադեպին չեն մասնակցել: Հարբածները տարվել են Արաբկիրի բաժին, վարչական տույժի ենթարկվել:
